,,ნინო ლომჯარია „ნაცების“ სახალხო დამცველად გადაიქცა”- მამუკა მდინარაძე

„ქართული ოცნების“ აღმასრულებელი მდივანი, მამუკა მდინარაძე, სახალხო დამცველის განცხადებას ეხმიანება. მისი თქმით, ნინო ლომჯარია „ნაცების“ სახალხო დამცველად გადაიქცა.

,,ნინო ლომჯარია, ამ ბოლო დროს განსაკუთრებით, „ნაცების“ სახალხო დამცველად გადაიქცა. ეს არის როგორც ჩანს მისი ბოლო მისია და ფუნქცია. რატომ არის განაჩენი დაუსაბუთებელი, უდანაშაულობის ერთი არგუმენტი ბრძანეთ. მოსამართლის დისკრეციაა ეს, ამას თქვენ და მე ვინ გვეკითხება. მართლა ცუდია ჩემი მხრიდან ამის თქმა და ცოტა მძიმეც არის, ჩვენი არჩეულია და კიდევ ვიმედოვნებდით, რომ მიუხედავად იმისა, რომ „ნაცმოძრაობის“ და მისი განშტოებების წარმომადგენლები ძალიან ლობირებდნენ, ვიფიქრეთ, კარგი, დავუშვათ ეს ე.წ. კვოტა, ეს ადამიანი თავს ზემოთ ძალას იპოვის და რაღაცნაირად შეეცდება ნეიტრალური იყოს. ამ ადამიანმა ეს ვერ ანახა და ეს არის მიზეზი. არ შეიძლება, შეწყალების მოლოდინზე მე ვილაპარაკო. წარმოუდგენელია, ადამიანი, რომელიც უმძიმეს შეურაცხყოფას აყენებდა პრეზიდენტის ინსტიტუტს, პრეზიდენტს რომ პირადად აყენებდა ეს მეორე საკითხია, ახლა პრეზიდენტის ინსტიტუტისგან ელოდება შეწყალებას, ეს მთლად ლოგიკური არ მგონია, მაგრამ ჩვენ ჯერ უნდა გავიხსენოთ ადამიანები, ვინც არა შვიდი მილიონისთვის, არამედ რამდენიმე ათასი თუ ათეული ათასი ლარისთვის და მსგავსი ზიანისთვის სხედან ციხეში. თუ შესაწყალებელია, დაიწყოს იქიდან და მერე გადავიდეს მილიონების გამფლანგველზემიმთვისებელზე, არასწორად განმკარგავზე თუ მილიონებით დამზიანებელზე“, – განაცხადა მდინარაძემ.

ნინო ლომჯარია პრეზიდენტს ნიკა გვარამიას შეწყალებისკენ მოუწოდებს

მსგავსი თემები