სასამართლოს განჩინებით პენიტენციურ სამსახურს დაევალა, ექსპერტიზის მიზნით, დაუშვას „ემპათიის“ ექსპერტები მიხეილ სააკაშვილთან. ადვოკატი შოთა თუთბერიძის განცხადებით, დაცვის მხარე ელოდება, რომ პენიტენციური სამსახური ხელოვნურად შექმნის დაბრკოლებას, რათა განჩინება არ აღსრულდეს.
„არ არსებობს არავითარი გარემოება, არც კანონიერი არც უკანონო იმასთან დაკავშირებით, რომ ექსპერტიზები არ იყვნენ დაშვებულნი. ვცდილობთ ორგანიზებას. პენიტენციურისგან ველოდებით ხელოვნურ შეფერხებებს, ყველანაირ მიზეზს, ცხადია, უკანონოს, მათ შორის, იმისთვის ექსპერტიზის შეფერხება მოხდეს ან გაჭიანურდეს. თუმცა, სასამართლო გადაწყვეტილების არ შესრულება უკვე იქნება სისხლის სამართლის საქმე.
განჩინების გასაჩივრება შესაძლებელია სასამართლოს შემაჯამებელ გადაწყვეტილებასთან ერთად ანუ ახლა ამის შესაძლებლობა არ არსებობს. ვერც ერთი მხარე ამ განჩინებას ვერ გაასაჩივრებს, ვიდრე შემაჯამებელი გადაწყვეტილება არ არის“, – განაცხადა თუთბერიძემ.
