უკრაინის ქალაქ მარიუპოლში მდებარე მიწასთან გასწორებულ „აზოვსტალის ფოლადის ქარხნიდან“ უკრაინელი მებრძოლების გამოყვანის პროცესი გრძელდება. რუს სამხედროებს ისინი რუსეთის მიერ კონტროლირებად ტერიტორიებზე გადაჰყავთ.
უკრაინულ მხარეს იმედი აქვს, რომ მათ სამხედროები უვნებლები დარჩებიან და მალე ქვეყანაშიც დაბრუნდებიან.
გამოყვანის პროცესში ჩართულია გაერო და „წითელი ჯვარი“. რუსეთის პროკურატურა კი მათ დაკითხვას უწყობს. რა ბედი ელით „აზოვსტალელებს,“ უცნობია. უკრაინული მხარე კი მათ რუს ტყვეებში გაცვლას ელოდება.
