,,უკრაინა 24″-ის ეთერში რუსმა პოლიტოლოგმა ანდრეი პიონტკოვსკიმ, საქართველოს შესახებ ისაუბრა. პოლიტოლოგის განცხადებით, აუცილებელია ბიძინა ივანიშვილი მოხვდეს სანქცირებულ პირებს შორის და საქართველოში მეორე ფრონტი გაიხსნას.
,,ჩვენი ძველი “მეგობარი” მაიკლ მაკფოლი, რომელთანაც მე დიდხანს ვკამათობდი, როდესაც ის იყო რუსეთში აშშ-ის ელჩი, ახლა სწორ პოზიციას იკავებს. ის არის პასუხისმგებელი სანქციებზე. ის საზღვრავს პრინციპულ ხაზს, სანქციების სტრატეგიას, თუ ვისზე გავრცელდეს და რამდენადაც ჩემთვის არის ცნობილი, შექმნილია ამერიკულ-უკრაინული ჯგუფი ერმაკ-მაკფოლი, რომელიც სანქციებითაა დაკავებული. თქვენ, უკრაინელ ჟურნალისტებს გეძლევათ საშუალება, უკარნახოთ ბატონ ერმაკს, მას ხომ ახლა პირდაპირი გზა აქვს მაკფოლთან, რომელიც თავის მხრივ, პირდაპირ ბაიდენთანაა. დავამატებდი, ამაზე წერდა კიდეც თქვენი პრეზიდენტის მრავალი მოხელე, არესტოვიჩიც და არახამიაც, საგანგებო განცხადებით, რომ ძალიან მნიშვნელოვანია მეორე ფრონტის გახსნა საქართველოში, სადაც მოსახლეობის დიდი ნაწილი და ეს ყურმოკვრით არ ვიცი, მიწვევენ ხოლმე ქართულ არხებზე, მაფრთხილებენ მეგობრები, სად მიდიხარ, ეს სამთავრობო არხია, ივანიშვილის დაქვემდებარებაშია. იქ არანაკლები თანაგრძნობაა უკრაინის მიმართ, აღშფოთება რუსეთის სამხედრო დანაშაულების მიმართ. საქართველო მომწიფდა ამ გამოსვლისთვის. მე ხმამაღლა ვაცხადებ, აუცილებელია, ივანიშვილი შეიყვანონ სანქციების სიაში. ის ფარული ბატონია საქართველოში და გაიქცევა, რეჟიმი დაემხობა. არახამია და არესტოვიჩი საუბრობდნენ ამაზე, რომ ის ეხმარება პუტინს, თავი აარიდოს სანქციებს. ასევე არ უყვარს ბაიდენი. სწორედ ამიტომ, ერმაკი-მაკფოლით შესაძლებელია, ერთი სვლით ბაიდენამდე ამის მიტანა და საქართველოს გათავისუფლება. წარმოგიდგენიათ, რამხელა ბიძგს მისცემს ეს ანტიპუტინისტურ მოძრაობას პოსტსაბჭოთა სივრცეში?”- განაცხადა ანდრეი პიონტკოვსკიმ.
რუსი პოლიტოლოგი აცხადებს, რომ საქართველო რუსეთის სანქციებისგან თავის არიდების ჰაბად გადაიქცა და აღნიშნული ინფორმაცია, სასწრაფოდ უნდა მიეწოდოს აშშ-ის პრეზიდენტს.
,,ისინი უკრაინული არმიის იერიშის წინაშე პანიკაში არიან და გაიყვანეს იქიდან მთელი თავისი სამხედრო ნაწილი, აფხაზეთიდანაც და სამხრეთ ოსეთიდანაც. მეტსაც გეტყვით, თქვენ ალბათ უკრაინაში ასეთი გრანდიოზული ომის ფონზე, დიდად არ მიგიქცევიათ ყურადღება, სამხრეთ ოსეთში სენსაცია მოხდა. იქ სამხრეთ ოსეთის პრეზიდენტი გამოვიდა ინიციატივით, მოდით, მიგვიღეთ რუსეთის შემადგენლობაში, თანაც პრეზიდენტის არჩევნებამდე. ეგონა, გაზრდიდა შანსს, თუმცა წააგო ეს არჩევნები ადამიანთან, რომელიც სამხრეთ ოსეთის რუსეთთან შეერთების წინააღმდეგი იყო. აფხაზეთმა კი, არსებული ხელისუფლებით, უბრალოდ უარი თქვა ამ უზნეო წინადადების განხილვაზე. ასეთი გარემოებაა საქართველოში. ასეთი მარტივი გათიშვით, იურიდიულად აბსოლუტურად დასაბუთებულით, ეს არის ადამიანი, რომელიც ხელმძღვანელობს და საქართველო აქცია რუსეთის სანქციებისგან თავის არიდების ჰაბად. სასანქციო სიაში შეყვანამ შესაძლოა, შეცვალოს გეოპოლიტიკური ვითარება მთელ პოსტსაბჭოთა სივრცეში,” – აღნიშნა პიონტკოვსკიმ.
