ამერიკის შეერთებული შტატები და ევროკავშირი, რუსეთის მხრიდან ქალაქ ბუჩაში ჩადენილი სისასტიკისა და უმძიმესი დანაშაულის გამო, რუსეთს ახალ სანქციებს უწესებს. სანქციებში კრემლის პირველი პირების ოჯახის წევრებიც მოექცევა.
როგორც თეთრი სახლის პრეს-მდივანი ჯენ ფსაკი განმარტავს, ვაშინგტონი ასევე განიხილავს დამატებით სანქციებს პუტინის ორი ქალიშვილისა და რუსეთის უმსხვილესი ბანკის – “სბერბანკის” წინააღმდეგ.
ასევე, აშშ აკრძალავს ახალ ინვესტიციებს რუსეთში და დამატებით სანქციებს დაუწესებს რუსეთის ფინანსურ ინსტიტუტებს, კრემლის ოფიციალურ პირებსა და მათი ოჯახის წევრებს.