რუსულ-უკრაინულ მოლაპარაკებაზე ორ მთავარ საკითხზე შეთანხმებას თითქმის მიაღწიეს, თუმცა, შეხვედრა ხვალაც გაგრძელდება. უკრაინა თანხმობას აცხადებს უარი თქვას ნატოს წევრობაზე და სანაცვლოდ მიიღოს მყარი გარანტიები. კერძოდ, გაეროს უშიშროების საბჭომ საკუთარ თავზე აიღოს უკრაინის უსაფრთხოება.
დავით არახამიას განცხადებით, აღნიშნული გარანტიები დოკუმენტალურად უნდა გაფორმდეს. ასევე, რუსეთის მხრიდან, უკრაინის ოკუპირებულ ტერიტორიებს განსაკუთრებული სტატუსი ექნება და ამ თემაზე საუბარი კიდევ გაგრძელდება. როგორც არახამია განმარტავს, უკრაინის სუვერენიტეტი და ტერიტორიული მთლიანობის საკითხი მოლაპარაკებას არ ექვემდებარება.
შეხვედრის დასრულების შემდეგ, მედიასთან განცხადება მიხეილო პოდოლიაკმაც გააკეთა, მისი თქმით, დიდი ალბათობით, მოლაპარაკება შედეგამდე მივა, თუმცა, ნებისმიერ საკითხზე, რაზეც შეთანხმდებიან, უნდა ჩატარდეს რეფერენდუმი.
რაც შეეხება ყირიმს, მისი შეფასებით, ყირიმზე ცალკე ჩანაწერი უნდა არსებობდეს.
“ჩვენ დაურეგულირებელი საკითხები გვაქვს ყირიმთან და აღმოსავლეთ უკრაინასთან დაკავშირებით. ამიტომ, გარანტიები დროებით არ იმუშავებს ამ ტერიტორიებზე. ზოგიერთმა ქვეყანამ უკვე მოგვცა წინასწარი თანხმობა, მაგრამ ველით ოფიციალურ განცხადებებს” – განმარტავს არახამია.
უკრაინის ტერიტორიული მთლიანობა კომპრომისს არ ექვემდებარება“ – რაზე შეთანხმდნენ მხარეები
