მიუნხენის უსაფრთხოების კონფერენციაზე ვლადიმირ ზელენსკის სიტყვით გამოსვლა დასრულდა. პრეზიდენტმა ერთ-ერთი აქცენტი რუსეთის მხრიდან ჭურვების სროლაზე გააკეთა და აღნიშნა, რომ ჭურვი სკოლის ეზოში დავარდა.
„დონბასში, სადემარკაციო ხაზთან ერთ მხარეს საბავშვო ბაღია, მეორე მხარეს კი ჭურვი, რომელიც მას მოვიდა. ერთი მხრიდან სკოლაა, მეორე მხრიდან კი ჭურვი, რომელიც ეცემა სკოლის ეზოში. იქ 30 ბავშვია, რომლებიც მიდიან არა ნატო-ში, არამედ გაკვეთილებზე“, – ასეთი იყო პრეზიდენტის ემოციური გამოსვლა კონფერენციაზე.
მისი შეფასებით ბავშვებმაც კი იციან, რომ ამ ჭურვებს უკრაინა არ ისვრის.
„ხვდებიან, რამდენად არასერიოზულად ჟღერს განცხადებები იმის შესახებ, რომ თავდასხმა უკრაინის მხრიდან ხორციელდება. ზოგს მათემატიკა აქვს და ბავშვებს კალკულატორის გარეშეც კი შეუძლიათ დათვალონ სხვაობა ამ სამი დღის განმავლობაში თავდასხმების რაოდენობასა და მიუნხენის უსაფრთხოების ანგარიშში უკრაინის მოხსენიებას შორის. ვიღაცას ისტორია აქვს და როდესაც სკოლის ეზოში ჩნდება ორმო, ბავშვებს უჩნდებათ კითხვა – ნუთუ მსოფლიომ მეოცე საუკუნის შეცდომები დაივიწყა; სადამდე მივყავართ მშვიდობის მცდელობას?“- განაცხადა ზელენსკიმ უსაფრთხოების კონფერენციაზე.
მან გამოსვლისას ნატოც არაერთხელ ახსენა და მკვეთრი პასუხი მოითხოვა – სურთ თუ არა უკრაინის ალიანსში ხილვა.
