საფრანგეთის პრეზიდენტმა ემანუელ მაკრონმა რუსეთის პრეზიდენტს, ვლადიმერ პუტინს სატელეფონო საუბრისას განუცხადა, რომ გულწრფელი მოლაპარაკებები უკრაინის გარშემო დაძაბულობის ესკალაციასთან შეუსაბამოა, – მედიის ინფორმაციით ამის შესახებ ელისეს სასახლეში განაცხადეს.
საფრანგეთის პრეზიდენტის ადმინისტრაციის ოფიციალური პირის განცხადებით, ემანუელ მაკრონთან საუბარში ვლადიმერ პუტინს არ მიუნიშნებია, რომ უკრაინაში შეჭრისთვის ემზადება.
“ჩვენ ვერ ვხედავთ პრეზიდენტ პუტინის ნათქვამში იმის მინიშნებას, რომ თავდასხმას აპირებს, მიუხედავად ამისა, უკიდურეს სიფხიზლეს ვინარჩუნებთ რუსეთის სამხედრო ქმედების მიმართ, იმისთვის, რომ თავიდან ავიცილოთ ყველაზე ცუდი განვითარება”, – განაცხადა მაკრონმა.
კრემლის ინფორმაციით, პუტინმა და მაკრონმა განიხილეს სიტუაცია, რომელიც დაკავშირებულია რუსეთის მიერ უკრაინაში შესაძლო შეჭრის გეგმის გარშემო “პროვოკაციულ სპეკულაციებთან”.
