„საქართველოში კორონავირუსის ახალი შემთხვევების თითქმის 99% „ომიკრონის“ შტამია“ – აღნიშნული განცხადება „მედიაცენტრ მთავარში“ ივანე ჩხაიძემ გააკეთა და აღნიშნა რომ ამ ეტაპზე ვირუსის აღმავალ ფაზაში ვიმყოფებით.
„საქართველო ინფიცირების მაქსიმუმს 7-10 დღის განმავლობაში მიაღწევს, ამის შემდეგ კი შემთხვევების კლება დაიწყება. ძალიან ხანმოკლეა ომიკრონით გამოწვეული მთლიანი ტალღა – აღმავალი მრუდი პიკი და შემდეგ შემცირება, ამიტომ ვამბობთ, რომ თებერვლის პირველი 10 დღე ან კვირა იქნება გამონაკლისი და იქნება ყველაზე მაღალი მაჩვენებელი“ – განაცხადა იმავე ჩხაიძემ „მედიაცენტრ მთავარში“.