„სასტუმროებისა და რესტორნების ფედერაციის“ დამფუძნებელმა შალვა ალავერდაშვილმა „მედიაცენტრ მთავარში“ ტურიზმის მხრივ 2021 წელი შეაჯამა და მიმდინარე ვითარებაზე ისაუბრა, როგორც ალავერდაშვილმა აღნიშნა, შეცვლილია ვიზიტორთა ხარისხი და ძირითადი მოთხოვნა ბრენდულ დ 5 ვარსკვლავიან სასტუმროებზეა.
„ქვეყანაში ტურიზმის აღდგენა 2021 წლის მაისში დაიწყო და დატვირთულობის კოეფიციენტი 30%-მდე ავიდა, რაც 2020 წელთან შედარებით სექტორის დიდი სიხარული იყო. ივნისმა კი 50%-იანი დატვირთვა გვაჩვენა, რაც დიდ გამოცოცხლებას ნიშნავს. ივლისში კი იმდენი სტუმარი შემოგვივიდა, გაჩერებულმა სექტორმა თითქმის ვერ მოახერხა ამ სტუმრების მომსახურება. 40%-იანი პერსონალით მოგვიხდა ამ სტუმრების გამასპინძლება, რამაც საკმაოდ ცუდი კომენტარები გამოიწვია მომსახურების ხარისხთან დაკავშირებით. ამისი მთავარი მიზეზი ის იყო, რომ პერსონალი არ გვენდობოდა და სხვა სექტორში გადავიდნენ“ – აღნიშნა ალავერდაშვილმა „მედიაცენტრ მთავარში“.
მისივე შეფასებით, 2021 წელი, კერძოდ კი დეკემბერი სექტორმა 35%-იანი დატვირთვით დაამთავრა. დღეს კი მოთხოვნა უფრო ძვირადღირებულ სასტუმროებზეა, ვიდრე სტანდარტულზე.
„შეიცვალა სტუმრების ხარისხი. ძირითადად. 5 ვარსკვლავიან და ბრენდულ სასტუმროებზეა მოთხოვნა ვიდრე სატანდარტულზე რადგან ფრო მეტად ცნობენ თავს დაცულად“ – აღნიშნა შალვა ალავერდაშვილმა „მედიაცენტრ მთავარში“.
