საქართველოს ახალარჩეული პრეზიდენტის ინაუგურაციასთან დაკავშირებით, რომელიც თელავში, მეფე ერეგლე მეორის სასახლის ეზოში გაიმართება, ქვემეხებიდან გასროლა იგეგმება.
ამასთან დაკავშირებით თელავის მუნიციპალიტეტის მერია მოსახლეობას აფრთხილებს და სოციალურ ქსელში განცხადებას ავრცელებს: “გაცნობებთ, რომ საქართველოს მე-5 პრეზიდენტის ინაუგურაციასთან დაკავშირებით, 2018 წლის 14, 15 და 16 დეკემბერს 13:00სთ-დან 15:00სთ-მდე პერიოდში, ქვემეხებიდან ერთობლივი გასროლა იგეგმება. 14 და 15 დეკემბერს გასროლა დაგეგმილია ერთჯერადად სატესტო რეჟიმში”.
მერიის განცხადებას სოციალურ ქსელში, ინტერნეტმომხმარებლების მხრიდან სახალისო კომენტარები მოჰყვა: “აკი მეზარბაზნეები არა ჰყავს მეფე ერეკლესო!?” ; “ქვემეხი დასავლეთისკენ ისვრის თუ ჩრდილოეთისკენ?”; “გურჯაანისკენ გავისროლოთ”; “სანგრები გავთხაროთ?”; “გურჯაანელები რას იძახიან? ჰარსაწინააღმდეგო სისტემას ამონტაჟებენ?”; “მაიცა, სამი დღე უნდა ისროდეთ ორ-ორი საათით?”.
აღსანიშნავია, რომ პრეზიდენტის ფიცის დადების ცერემონიალი 16 დეკემბერს თელავში, „ბატონის სასახლეში“ გაიმართება.