“ძალიან მძიმეა ამ ყველაფრის ატანა, რის გავლაც უწევს ჩემს ძმას და ჩემს რძალს”, – პირველი პრეზიდენტის ვაჟი გიორგი გამსახურდია “ტვიტერის” პირად გვერდზე. ის აღნიშნავს, რომ მძიმე სიტუაცია ყოველდღიურად მეორდებოდა.
მანანა არჩვაძე-გამსახურდიამ და მისმა მომხრეებმა რამდენჯერმე აქციის გამართვა სცადეს წეროვანის სარეაბილიტაციო ცენტრთან, სადაც ცოტნე გამსახურდია სამკურნალო-აღდგენით კურსს გადის.
“ძალიან მძიმეა ამ ყველაფრის ატანა,რის გავლაც უწევს ჩემს ძმას და ჩემს რძალს ამ ავადმყოფური ბრბოს მხრიდან. ასევე უდიდესი ბოდიში მინდა მოვუხადო ყველა მათი გინებით და უსამართლო მოპყრობით შეწუხებულებს”, – წერს გიორგი გამსახურდია.
ინფორმაციისთვის გეტყვით, რომ საქართველოს პირველი პრეზიდენტის ვაჟი, ცოტნე გამსახურდია საკუთარი სახლის წინ დაჭრეს. ამ უმძიმესი დღიდან 2 წელი გავიდა. ამ პერიოდის განმავლობაში ცოტნე როგორც საქართველოში, ისე უცხოეთში გადიოდა მკურნალობას.