საქართველოს პრეზიდენტმა სალომე ზურაბიშვილმა “ტვიტერის” ოფიციალურ გვერდზე იენს სტოლტენბერგის განცხადებას გამოეხმაურა. პრეზიდენტის თქმით, ნატო-ს გენერალურმა მდივანმა მნიშვნელოვანი განცხადება გააკეთა.
“მნიშვნელოვანი განცხადება გაკეთდა იენს სტოლტენბერგის მიერ. ამ რთულ გეოპოლიტიკურ დროში ვხედავთ, რომ საქართველოს შეუძლია დაეყრდნოს თავის პარტნიორებს, რომ ისინი განაგრძობენ ჩვენი სუვერენიტეტისა და ტერიტორიული მთლიანობის მხარდაჭერას”, – დაწერა პრეზიდენტმა ტვიტერზე.
შეგახსენებთ, რომ იენს სტოლტენბერგმა რუსეთს მოუწოდა საკუთარი ჯარების გაყვანისაკენ საქართველოს, უკრაინისა და მოლდოვის ტერიტორიებიდან. მისი თქმით ნატო არანაირ დათმობაზე არ წავა და არ დაუშვებს აღნიშნული ქვეყნების უფლებების დარღვევას.