მედიცინის აკადემიურმა დოქტორმა, “ავერსის კლინიკის“ პედიატრიული სამსახურის უფროსმა თამარ ობგაიძემ “მედიაცენტრ მთავართან” აღნიშნა, რომ “ომიკრონის” შტამი ვაქცინირებულ ადამიანს ბევრად სწრაფად აინფიცირებს.
“ბრიტანული კვლევის მიხედვით ორჯერადად ვაქცინაცია “ომიკრონის” წინააღმდეგ 33%-ით არის ეფექტური, სამჯერადად აცრა კი ბევრად მეტით. რაც ყველაზე მნიშვნელოვანია, ვაქცინაცია ჰოსპიტალიზაციის რისკს ამცირებს. დღევანდელი სტატისტიკის მიხედვით, ინფიცირებულთა რაოდენობა ძალიან გაიზრდება, თუმცა “ბუსტერ” დოზის გაკეთების შემთხვევაში, “ომიკრონის” გავრცელებას მომზადებულნი შევხვდებით., – აღნიშნა პედიატრმა.
დოქტორის ინფორმაციით, აცრა პოსტკოვიდური პერიოდის სიმძიმესაც ამცირებს. მიუხედავად იმისა, რომ “ომიკრონის” შტამი მძიმე სიმპტომებით არ გამოირჩევა, ვაქცინაცია ჰოსპიტლების გადატვირთვის თავიდან ასაცილებლად არის საჭირო.