თბილისის ინფექციური საავადმყოფოს გენერალური დირექტორის თენგიზ ცერცვაძის განცხადებით, კორონავირუსით ინფიცირებული პაციენტები ორი მედიკამენტის – “პაქსლოვიდისა“ და “მოლნუპირავირის“ მიღებას ბინაზე მკურნალობის შემთხვევაშიც შეძლებენ.
“საქართველო ერთ-ერთი პირველი იქნება, რომელიც კოვიდის საწინააღმდეგო ორ მედიკამენტს, “პაქსლოვიდისა“ და “მოლნუპირავირს“ მიიღებს. მათი გამოყენება ბინაზე მკურნალობის დროს იქნება შესაძლებელი დიაგნოზის დასმიდან 4 დღის განმავლობაში. განიხილება დომინანტური მედიკამენტის “რემდესივირის” ბინაზე მიღებაც, რომელიც ახლა მხოლოდ კლინიკაში გამოიყენება.მისი მიღება დიაგნოზის დადგენიდან სამი დღის განმავლობაში იქნება ნებადართული.”
თენგიზ ცერცვაძის ინფორმაციით, ამ ეტაპზე, საქართველოს მხოლოდ 40 ათასი ფლაკონი “რემდესივირი” აქვს, რაც 7 ათასი პაციენტისთვისაა საკმარისი. ახალ მედიკამენტებს – “პაქსლოვიდს“ და “მოლნუპირავირს“ საქართველო უახლოეს კვირებში მიიღებს.
