პროფესორის, კლინიკური ექსპერტის დევი ტაბიძის შეფასებით, კორონავირუსის მხრივ დღევანდელი ციფრები საგანგაშო არ არის, თუმცა, იანვრის ბოლოდან ვითარება შეიცვლება.
„ჯერ კიდევ კარგ მდგომარეობაში ვართ, თუმცა, ციფრები აუცილებლად გაიზრდება. მინიმუმ 5-6000-მდე ავა ინფიცირება და ეს მონაცემები იანვრის ბოლომდე თებერვლის შუა რიცხვებამდე ასეთი იქნება. სამწუხაროა, რომ გავრცელება ძალიან სწრაფია, მოცვა ძალიან დიდია და რაოდენობრივი მახასიათებელიც ძალიან მაღალია“ – განაცხადა დევი ტაბიძემ „მედიაცენტრ მთავართან“.
