საშობაო “ალილო” პანდემიის გამო წელსაც ფეხით მსვლელობის გარეშე ჩატარდება. ქრისტესშობის დღესასწაულთან დაკავშირებით, 2 საათზე მსვლელობა ავტომანქანებით დაიწყება სასულიერო პირები მრევლს ნაკურთხი წყლით და გალობით მიულოცავს შობას.
მსვლელობა სამების საკათედრო ტაძარში, ქრისტესშობის სამადლობელო პარაკლისით 4 საათზე დასრულდება.
ასევე ტრადიციისამებრ შეგროვდება საჩუქრები, ტანსაცმელი, სათამაშოები და ნუგბარი, რომელიც ბავშვთა სახლებში, მოხუცთა თავშესაფრებსა და სასჯელაღსრულების დაწესებულებებში დარიგდება.
მსურველებს შემოწირულებისა მოტანა შეეძლებათ 7 იანვარს, 12 საათიდან 16 საათამდე რესპუბლიკის მოედანზე და ყოვლადწმინდა სამების ტაძარში არსებულ ახალგაზრდულ ცენტრში.
ახალ 2022 წელს შობის დღესასწაულზე საჩუქრები და სიხარული პირველ რიგში მივუტანოთ იმ ადამიანებს, რომელთაც ყველაზე მეტად სჭირდება თანადგომა,” – წერია საპატრიარქოს მიერ გავრცელებულ განცხადებაში.