იმუნიზაციის საბჭოს გადაწყვეტილებით, ვაქცინის ე.წ. ბუსტერ დოზებზე ვადები შემცირდა. კერძოდ, ორი აცრის შემდეგ, დამატებითი დოზის გაკეთება 3 თვის შემდეგ იქნება შესაძლებელი.
“ფაიზერსა“ და „ასტრაზენეკაზე“ „ბუსტერის“ პერიოდი 3 თვემდე განისაზღვრა, “სინოფარმითა” და “სინოვაკით” აცრილები დამატებით დოზას 3 თვის შემდეგ შეძლებენ.
შეგახსენებთ, რომ დღემდე “ბუსტერ” დოზის გაკეთება “ასტრა ზენეკასა” და “ფაიზერის” ვაქცინის შემთხვევაში მეორე აცრიდან 5 თვის გასვლის შემდეგ იყო შესაძლებელი. ჩინური “სინოფარმისა” და “სინოვაკის” შემთხვევაში კი – 3 თვის გასვლის შემდეგ.
იმუნიზაციის საბჭომ აღნიშნული გადაწყვეტილება ქვეყანაში “ომიკრონის” გავრცელების გამო მიიღო.
