გარდაცვლილი პოლიტიკოსის, მიხეილ სააკაშვილის მეგობრის და ნათელმირონის, კობა დავითაშვილის შვილი თორნიკე დავითაშვილი მიხეილ სააკაშვილის პატიმრობასა და მიმდინარე პოლიტიკურ მოვლენებზე საკუთარ პოზიციას აფიქსირებს. როგორც თორნიკე დავითაშვილი წერს, ეს ცირკი დამღლელია.
ჩემი საკმაოდ მარტივი დამოკიდებულება მიმდინარე პროცესების მიმართ:
1. დამნაშავე უნდა გასამართლდეს, მაგრამ
2. უნდა გასამართლდეს სამართლიანად და კანონის ფარგლებში
3. ხალხის საჭორაო ნამდვილად არაა შიმშილის დეფინიცია, მაგრამ
4. ასევე მხოლოდ ექიმები უნდა აფასებდნენ, არის თუ არა ადამიანის სიტუაცია კრიტიკული. ციხე იმის ციხეა, რომ პირადი სურვილები მგონი შეზღუდული უნდა იყოს, არა? შესაბამისად, გაუგებარია რატომ ითხოვს საავადმყოფოში გადასვლას, თუ ამის საჭიროება არ დგას.
5. მინდა რომ აუცილებლად ნეიტრალური მხარისგან გასამართლდეს. მოიწვიეთ საზღვარგარეთიდან მიუკერძოებელი მოსამართლეები, რომ ერთხელ და სამუდამოდ ამოვისუნთქოთ და გავაგრძელოთ ცხოვრება. თუ გაასამართლებენ, ხომ კარგი, თუ არადა, მე პირადად დავიღალე ამ ცირკით. რაც მნიშვნელოვანია, ის უკანა ფლანგზეა და ყველა იმას შევყურებთ, მიშა რას ჭამს თუ ბოდიში და რას ჯვ…
6. მე პირადად ყველაზე ირონიულად ვგრძნობ თავს ამ სიტუაციაში. დარწმუნებული ვარ, ნათლიათქვენს და მის სისტემას მამათქვენის მოკვლის 3 თუ 4 მცდელობა არ ჰქონია. მაინც, შურისძიებას კარგი არასდროს და არავისთვის მოუტანია, და მოდი გადავაგოროთ რა ეს უბედური თავი საქართველოს ისტორიაში. სჯობს, ქვეყნის აღმშენებლობით და გაძლიერებით დავკავდეთ, ვიდრე ჭორაობით. კარგ საღამოს გისურვებთ!” – წერს თორნიკე დავითაშვილი.
შეგახსენებთ, რომ კობა დავითაშვილი იყო ოთხი მოწვევის პარლამენტის წევრი იყო. მას „ნაციონალური მოძრაობის” მმართველობისას ფიზიკურად სასტიკად გაუსწორდნენ. ის ბოლო პერიოდში ეტლს მიეჯაჭვა და 2020 წლის 2 დეკემბერს გარდაიცვალა.
