„გირჩი-მეტი თავისუფლებამ“ დღეს მორიგი წარმოადგენა მოაწყო. ზურა ჯაფარიძის გუნდის წევრები დღეს ზაჰესში, შსს-ს წინასწარი დაკავების იზოლატორთან შეიკრიბნენ და თურქეთიდან ჩამოყვანილ მჩხიბავს სპეციალური რიტუალი ჩაატარებინეს.
მათი განცხადებით, მჩხიბავმა სტელამ, რომელიც სპეციალურად სტამბოლიდან ჩამოიყვანეს, შსს-ს ამ დაწესებულაბას ჯადო გაუკეთა.
აღნიშნული ქმედებით „გირჩელები“ იმ პოლიტიკოსების გათავისუფლებას ელიან, რომლებიც, მათივე თქმით, უკანონოდ დააკავეს. წინააღმდეგ შემთხვევაში, ჯადოს მოხსნას არ აპირებენ.
“ქ-ნი სტელა სტამბოლიდან ჩამოვიყვანეთ და პოლიტსაბჭოსთან შეთანხმებით ჯადო დავაგეგმინეთ. იგი მეოთხე თაობის მჩხიბავია და მსოფლიოს საუკეთესო მჩხიბავთა 27-ეულში შედის. ჩვენი მოთხოვნა არის “გირჩი-მეტი თავისუფლების” პოლიტიკოსების გათავისუფლება, რომლებიც უკანონოდ დააკავეს. წინააღმდეგ შემთხვევაში ჯადოს არ მოვხსნით. გთხოვთ გაითვალისწინოთ, რომ ჯადოს მოხსნა მხოლოდ ქ-ნ სტელას შეუძლია, რადგან მისი გამოყენებული მაგიის მოხსნა, კონკრეტულად მას მოითხოვს”, – აცხადებენ ორგანიზაციაში.
