ერთი რამ მინდა, ვუთხრა ყველას, ამ ქვეყანაში რევოლუციებისა და ომის დრო დამთავრებულია, – ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.
პრემიერ-მინისტრის თქმით, „სიძულვილის ენა „ნაცმოძრაობისგან“ მომდინარეობს“.
„საერთოდ, როდესაც ჩვენ ვსაუბრობთ სიძულვილის ენაზე, ეს მომდინარეობს „ნაცმოძრაობისგან“. არათუ სიძულვილის ენა, ეს ადამიანები სიძულვილით მართავდნენ ქვეყანას ცხრა წელი. ყველაფერი, რაც მომდინარეობდა მათგან, უბედურება, ადამიანების ტანჯვა, წამება, გაუბედურება, ყველაფერი საშინელება, რაც დამართეს ჩვენს მოსახლეობას, რომელ სიძულვილის ენაზე მელაპარაკებით. ერთი რამ მინდა, ვუთხრა ყველას, ამ ქვეყანაში რევოლუციებისა და ომის დრო დამთავრებულია“, – განაცხადა ირაკლი ღარიბაშვილმა.
