საქართველოში ევროკავშირის ელჩი კარლ ჰარცელი საქართველოში საკონსტიტუციო ცვლილებების პირველი მოსმენით მხარდაჭერას ეხმაურება.
როგორც კარლ ჰარცელი წერს, მას იმედი აქვს, რომ ყველა მხარე აიღებს პასუხისმგებლობას საბოლოო წარმატების მისაღწევად.
„მე დავითვალე 142 ხმა, რომელიც საკონსტიტუციო შეთანხმებას უჭერდა მხარს 8 მარტის შემდეგ. მივესალმები, რომ პარლამენტმა დღეს პირველი მოსმენით კანონის დამტკიცება 136 ხმით შეძლო. იმედი მაქვს, ყველა მხარე აიღებს პასუხისმგებლობას, რათა საბოლოო წარმატებას მივაღწიოთ“, – განაცხადა კარლ ჰარცელმა.
