ხვალ, შესაძლოა, მმართველმა გუნდმა ოპოზიციას საარჩევნო ცვლილებებზე კონკრეტული შეთავაზება წარუდგინოს

საპარლამენტო უმრავლესობის ლიდერი, მამუკა მდინარაძე არ გამორიცხავს, რომ ხვალინდელ შეხვედრაზე, მმართველმა გუნდმა საარჩევნო ცვლილებებზე ოპოზიციის მიმართ კონკრეტული შეთავაზება გააკეთოს.

„მათ კონსტიტუციასთან შესაბამისობაში რაციონალური წინადადებები ვერ დააყენეს. არ გამოვრიცხავ, რომ ეს გაუგებრობა და თითქმის აზრს მოკლებული შეხვედრები ასე რომ არ გაგრძელდეს, შეიძლება, ჩვენ ვუთხრათ რაღაც. ხვალ ვნახოთ, რა პასუხს მივიღებთ ოპოზიციისგან. ვფიქრობთ, რომ შეიძლება, კონსენსუსის გზაზე ისევ ჩვენი წინადადებით დავდგეთ. შეხვედრის შემდეგ ვისაუბრებთ, კონკრეტულ თემებზე, რამაც შეიძლება, კონსენსუსის გზაზე გვატაროს“, – განაცხადა მდინარაძემ.

საარჩევნო სისტემასთან დაკავშირებით ხვალ ხელისუფლებისა და ოპოზიციის წარმომადგენლების შეხვედრის მეოთხე რაუნდი გაიმართება.

მსგავსი თემები