პარლამენტის თავმჯდომარის პირველი მოადგილე, თამარ ჩუგოშვილი დადებითად აფასებს ევროპარლამენტში საქართველოს მიმართ გაკეთებულ შეფასებებს და აცხადებს, რომ მიღწეული წარმატებებით საქართველოს დღეს ადარებენ არა მის მეზობელ, არამედ ევროკავშირის წევრ ქვეყნებს.
„კორუფციის თემა ერთ -ერთი საინტერესო იყო ევროპარლამენტარ რებეკა ჰარმსის გამოსვლაში. მისი შეფასებით, კორუფციასთან ბრძოლის გზაზე საქართველო უფრო წარმატებულია, ვიდრე ევროკავშირის წევრი ქვეყნების დიდი ნაწილი. მნიშვნელოვანია, რომჩვენ გვადარებენ არა ჩვენს მეზობლებს, არამედ ევროკავშირის წევრქვეყნებს და მათთან შედარებითაც კი ჩვენი ქვეყანა არის ბევრზე წარმატებული. არის თუ არა ამ კუთხით რაიმე გასაკეთებელი? – რა თქმა უნდა არის. ჩვენს საზოგადოებას თუ ჭირდება მეტი განცდა, რომ კორუფციასთან ბრძოლის მექანიზმები უნდა იყოს უფრო გამართული და არც ერთი ფაქტი გამოუძიებელი არ უნდა იყოს დღეს, ჩვენ ეს უნდა გავაკეთოთ და მე ამას მხარს ვუჭერ”, – აცხადებს თამარ ჩუგოშვილი.