გიორგი შაქარაშვილის ტრაგედიას აქტიურად აშუქებენ, როგორც რუსული, ასევე პოსტსსაბჭოთა ქვეყნების მედიის წარმომადგენლები. მედიის წარმომადგენლებს, მომხდართან დაკავშირებით საკუთარი ვერსიები აქვთ, მათი ძირითადი ნაწილი თვლის, რომ ტრაგედია საბჭოთა მენტალობის გავლენის შედეგია.
“ქუჩის გარჩევებს ახალგაზრდა ადამიანების სიცოცხლე ისევ ეწირება…” – ასე ეხმაურება 19 წლის ფეხბურთელის ჯერ კიდევ დაუდგენელ ვითარებაში დაღუპვის ამბავს გამოცემა nor.ge. ავტორის თქმით, ეს არის მძიმე მემკვიდრეობა, რომელიც პოსტსაბჭოთა ქვეყნებს ერგოთ და ბოლომდე თავი ვერ დააღწიეს.
korrespondent.net-ის ცნობით, მეგობრებთან პიკნიკს 19 წლის ფეხუბრთელის სიცოცხლე შეეწირა.
“მეგობრის დაბადების დღეზე მომხდარი უთანხმოება სასიკვდილო დაპირისპირებაში გადაიზარდა. ახალგაზრდა ფეხბურთელმა, რამდენიმე ადამიანთან ერთად, იქაურობა დატოვა, მას შემდეგ ის არავის უნახავს… 4-დღიანი ძებნის შემდეგ, რომელშიც 70-მდე მაშველი მონაწილეობდა, მისი ცხედარი მდინარეში იპოვეს” – აღნიშნულია სტატიაში.