“ქართული ოცნება” “ჯორჯიან მანგანეზს” აფრთხილებს

პარტია “ქართული ოცნება – დემოკრატიული საქართველოს” ლიდერები ჭიათურაში, გაფიცულ მაღაროებს შეხვდნენ. ისინი “ჯორჯიან მანგანეზს” მიმართავენ და მოუწოდებენ პრობლემებზე რეაგირება მოახდინონ. წინააღმდეგ შემთხვევაში, რეაგირებას თავად მოახდენენ.

„დღეს ჭიათურაში შევხვდით გაფიცულ მაღაროელებს და მოვისმინეთ მათი მოთხოვნები. შეუძლებელია, ვინმემ მოუსმინოს ამ ადამიანებს და გულგრილი დარჩეს მათი პრობლემების მიმართ. ჩვენ მოვუწოდეთ კომპანია “ჯორჯიან მანგანეზს”, მოესმინათ მაღაროელებისთვის და მიეღოთ ზომები მათი სამართლიანი მოთხოვნების შესასრულებლად. სამწუხაროა, რომ დღევანდელი მოლაპარაკება შეთანხმებით ვერ დასრულდა. მოვუწოდებთ კომპანიის ხელმძღვანელობას, დაუყოვნებლივ განაგრძონ მოლაპარაკებები, გაითვალისწინონ გაფიცულთა ყველა სამართლიანი მოთხოვნა და დაიწყონ ზრუნვა მათი სოციალური და შრომითი პირობების გაუმჯობესებაზე. თუ მომდევნო დღეებში მოლაპარაკებები არ დასრულდება შეთანხმებით, ჩვენ კიდევ ერთხელ ჩავერთვებით საქმეში და მივიღებთ ზომებს მაღაროელების სამართლიანი მოთხოვნების დაკმაყოფილების უზრუნველსაყოფად“ – ვკითხულობთ განცხადებაში, რომელიც კახა კალაძის, ირაკლი ღარიბაშვილისა და ირაკლი კობახიძის სახელით გავრცელდა.

მსგავსი თემები