სვანეთში არსებული სტიქიური კატასტროფის თავიდან ასაცილებლად საქართველოს პრეზიდენტმა სვანეთში, საქართველოს სამხედრო ძალების გამოყენების შესახებ ბრძანება გამოსცა.
ბრძანების მიხედვით, პროცესებში შემდეგი დანაყოფები ჩაერთვებიან: საქართველოს შეიარაღებული ძალების სახმელეთო ჯარების აღმოსავლეთ სარდლობა; საქართველოს შეიარაღებული ძალების გენერალური შტაბის ჯარების ლოგისტიკური უზრუნველყოფის სარდლობა. პრეზიდენტის ბრძანება ძალაშია ხელმოწერისთანავე.
ვინაიდან, კონსტიტუციის გათვალისწინებით, სამხედრო ძალების გამოყენების შესახებ გადაწყვეტილებას იღებს პრეზიდენტი და მას პარლამენტის თანხმობა სჭირდება, დღეს 17:30 საათზე პარლამენტის საგანგებო სხდომაც ჩაინიშნა.