„საჭიროა, სკოლამ შვილების აღზრდის ფუნქცია იტვირთოს“ – პატრიარქის საშობაო ეპისტოლე

საქართველოს კათოლიკოს-პატრიარქის საშობაო ეპისტოლეს ერთ-ერთი მნიშვნელოვანი ნიწალი სკოლას, ბავშვებსა და განათლებას ეხება. როგორც პატრიარქი ბრძანებს, საჭიროა, სკოლამ შვილების აღზრდის ფუნქცია იტვირთოს, რადგან ლუკმა-პურის შოვნისთვის სახლიდან გასულ მშობლებს ცოტა დრო რჩებათ შვილებისათვის.

ეპისტოლედ მიხედვით, სკოლაში საათები უნდა დაეთმოს პირად ჰიგიენას, ხელსაქმეს, სახელობო მიმართულებებს, ბუნებასთან ურთიერთობას, სოფლის მეურნეობის შესახებ ზოგადი წარმოდგენის შექმნას. უნდა ფუნქციონირებდეს მუსიკალური, სამხატვრო, ლიტერატურული წრეები. უმნიშვნელოვანესია სპორტული დარბაზებითა და მოედნებით სასწავლებლების უზრუნველყოფა და სპორტულ წრეებში ბავშვების გაერთიანება, რომ მათ ენერგია აქ დახარჯონ და ჯანმრთელ და ძლიერ პიროვნებებად ჩამოყალიბდნენ.

“სკოლამ უნდა ჩაუნერგოს მოსწავლეებს შრომის სიყვარული, უნარი პატიებისა და სხვისი სიხარულით გახარებისა, სიმართლის დაცვისა და მეგობრის ერთგულებისა, დაჩაგრულის თანადგომისა და, საერთოდ, სიკეთის ქმნისა. ამის განხორციელების შემთხვევაში შეგვეძლება ვთქვათ, რომ მოზარდებს მივეცით საშუალება ჯანსაღ თაობად აღზრდისა; შევთავაზეთ სიკეთე და სიცოცხლე, დანარჩენი კი მათ გადაწყვეტილებაზე იქნება დამოკიდებული. როგორც აღვნიშნეთ, დღეს ხშირ შემთხვევაში დედ-მამა შვილს ვერ აქცევს სათანადო ყურადღებას; სამწუხაროა ის ფაქტი, რომ მშობელი ნაკლებად მონაწილეობს სკოლის ცხოვრებაში, რაც დაუშვებელია” – ბრძანებს სრულიად საქართველოს კათოლიკოს-პატრიარქმა.

პატრიარქის განცხადებით, სავალდებულო უნდა გახდეს პედაგოგებთან ხშირი შეხვედრა: “მათ უნდა იგრძნონ თავისი პასუხისმგებლობა და მასწავლებლებთან ერთად ყველაფერი გააკეთონ შვილთან მიმართებაში სწორი მიდგომების განსაზღვრისათვის”.

მსგავსი თემები