დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, ქართული მხარე, შესაძლოა, მეზობელ სახელმწიფოს დაეხმაროს პანდემიასთან ბრძოლაში.
„მოლაპარაკებები ამაზე მიმდინარეობს. იცით, რომ შეთავაზება გაკეთებული იყო, ეს ყველაფერი იქნება მოლაპარაკების საგანი“,- განაცხადა იმნაძემ.
ბოლო მონაცემებით, სომხეთში კორონავირუსით ინფიცირების 13 325 შემთხვევა დადასტურდა, 4 099 ადამიანი გამოჯანმრთელდა, ხოლო 211 გარდაიცვალა.
რაც შეეხება საქართველოს: აქ კორონავირუსი 810 ადამიანს დაუდასტურდა, აქედან 683 უკვე გამოჯანმრთელდა, 13 ადამიანი კი გარდაიცვალა.