“საპატრიარქოს ჯგუფი თავის სიცრუეში აიხლართა, რაც შეეხება სალომე ზურაბიშვილს, ამ საღამოს ვნახავთ წირვაზე დიდი სანთლით” – მღვდელმონაზონი

მღვდელმონაზონი ანდრია სარია სოციალურ ქსელში “პოსტს” აქვეყნებს, რომლითაც დეკანოზი მამა გიორგი მამალაძის შეწყალების გარეშე დატოვების საკითხს ეხმაურება.

მღვდელმონაზონი მიიჩნებს, რომ დეკანოზის საპატიმროში დარჩენის საკითხში, აქტიურად იყო ჩართული მეუფე იაკობი. მისი თქმით, საპატრიარქო, რომ იმედგაცრუებული იყოს, პრეზიდენტის გადაწყვეტილებას დაგმობდა.

“მამა გიორგის ოჯახი დარწმუნებული იყო, რომ შეიწყალებდნენ უდანაშაულოდ მსჯავრდებულს, მაგრამ საშობაო იმედები გაუცრუვდა ოჯახს. უფლის შობა ყველას გვახარებს, მაგრამ მამალაძეების ოჯახისთვის ტკივილთან და ძმართან იქნება გაზავებული. საპტრიარქოს მხრიდან შეწყალება მხოლოდ იმ შემთხვევაში მოხდება თუ დეკანოზი ,,მოინანიებს” შეკერილ დანაშაულს. საპატრიარქომ ჯერ ვერ მიიღო ის საკვები, რომლითაც გულს დაიჯერებდა. აცდენილი არიან ქრისტიანულ საფუძვლებს. ამ საქმეში აქტიურად იყო ჩაბმული მეუფე იაკობი თავისი განცხადებებით და საზოგადოებასაც დაამახსოვრა თავი. მალე, ალბათ გახარიას მოხსნიან და ამასაც საკუთარ თავზე მიიწერს ( ჩვევია ყველაფრის გაბუქება და სიცრუე).

რაც შეეხება სალომე ზურაბიშვილს, ამ საღამოს ვნახავთ წირვაზე დიდი სანთლით, რაც კიდევ ერთი ნიშანი იქნება საპატრიარქოს მხრიდან მადლიერების. ვიტყოდი, რომ საპატრიარქოს ჯგუფი თავის სიცრუეში აიხლართა და ისეთ ნაბიჯებს დგავენ უკვე მსახიობებსაც შეშურდათ, ხოლო უბრალო მრევლმა დანახა როგორი უმოწყალოა საეკლესიო ადმინისტრაცია. ზოგიერთს გონია ,,უწმინდესი და უნეტარესი” პიროვნული სიწმინდის გამო ითქმის… არა მეგობრებო, ნებისმიერი ქართველი პატრიარქის ტიტული ასეთი იქნება, მიუხედავად მისი პიროვნული უღირსებისა. ეკლესია ვართ ჩვენ ყველანი და არა რომელიმე კონკრეტული პირი. საპატრიარქო ნაწყენი რომ იყოს ზურაბიშვილის გადაწყვეტილებით მის დაგმობაში ერთმანეთს შეეჯიბრებოდნენ თუ ვინ გამოდგებოდა მარჯვე ოსტატი. მამა გიორგის ვულოცავ შობას და ვუსურვებ მხნეონას. მალე გამოვა ციხიდან და სიმართლე იზეიმებს…” – წერს მღვდელმონაზონი ანდრია სარია სოციალურ ქსელში.

მსგავსი თემები