საქართველოს პარლამენტის დელეგაცია ოფიციალური ვიზიტით ქუვეითის სახელმწიფოში იმყოფება.
ვიზიტის ფარგლებში, პირველი შეხვედრები ქუვეითის ეროვნული ასამბლეის (პარლამენტის) საქართველოსთან მეგობრობის ჯგუფის წევრებთან და ქუვეითის სავაჭრო სამრეწველო პალატის პრეზიდენტ ალი ალ-გჰანიმთან გაიმართა.
მხარეებმა საპარლამენტთაშორისო თანამშრომლობის საკითხები, ორმხრივი სავაჭრო და ეკონომიკური ურთიერთობები, ტურიზმის სფერო და საინვესტიციო შესაძლებლობები განიხილეს.
საქართველოს პარლამენტის დელეგაცია, რომელსაც უმრავლესობის ლიდერი არჩილ თალაკვაძე ხელმძღვანელობს – მომდევნო შეხვედრებს ქუვეითის ეროვნული ასამბლეის (პარლამენტის) თავმჯდომარესთან და ქუვეითის პრემიერ მინისტრთან გამართავს.
ვიზიტში საპარლამენტო უმრავლესობიდან გოჩა ენუქიძე, სავალან მირზოევი და ილია წულაია, ხოლო საპარლამენტო უმცირესობიდან ირმა ნადირაშვილი მონაწილეობენ.
