“საარჩევნო ბარიერის გაუქმებით, ახალგაზრდებს, პოლიტიკაში შემოსვლის მეტი შანსი გეძლევათ” – მამუკა ბახტაძე

“ქვეყნის მომავალი თქვენ ხელშია და საარჩევნო ბარიერის გაუქმებით თქვენ, ახალგაზრდებს, გეძლევათ პოლიტიკაში შემოსვლისა და ქვეყნის მმართველობით პროცესში ჩართვის მეტი შანსი,”- ამ სიტყვებით, საქართველოს პრემიერ-მინისტრი მამუკა ბახტაძე სტუდენტთა საინიციატივო ჯგუფის მიერ გამოქვეყნებულ ღია წერილს ეხმიანება, სადაც ახალგაზრდულ მრჩეველთა საბჭოს შექმნაზეა საუბარი.

მისი თქმით, მთავრობის დაქვემდებარებაში იქმნება ახალგაზრდული პლატფორმა, რომელიც ახალგაზრდობისთვის საინტერესო ყველა მნიშვნელოვან მიმართულებას გააერთიანებს.

“მსურს, გამოვეხმაურო სტუდენტთა საინიციატივო ჯგუფის მიერ გამოქვეყნებულ ღია წერილს, რომელშიც საუბარია ახალგაზრდული მრჩეველთა საბჭოს შექმნაზე.

მისასალმებელი და ძალიან სასიხარულოა ახალგაზრდების კონსტრუქციული პოზიცია მიმდინარე მოვლენებთან დაკავშირებით.

ქვეყნის მომავალი თქვენ ხელშია და საარჩევნო ბარიერის გაუქმებით თქვენ, ახალგაზრდებს, გეძლევათ პოლიტიკაში შემოსვლისა და ქვეყნის მმართველობით პროცესში ჩართვის მეტი შანსი.

ასევე, მინდა გითხრათ, რომ მთავრობის დაქვემდებარებაში იქმნება ახალგაზრდული პლატფორმა, რომელიც გააერთიანებს ახალგაზრდობისთვის საინტერესო ყველა მნიშვნელოვან მიმართულებას.

მოხარული ვიქნები, თქვენთან შეხვედრით და თანამშრომლობის შესაძლებლობით.

ჩვენთვის თქვენი პოზიცია ყოველთვის განსაკუთრებით მნიშვნელოვანია!”- მიმართავს ახალგაზრდებს პრემიერ-მინისტრი.

მსგავსი თემები