ფონოსკოპიურმა ექსპერტიზამ, ექსპერტიზამ ექსპრეზიდენტ მიხეილ სააკაშვილისა და მისი ბიძის, თემურ ალასანიას საუბრის ჩანაწერებში მათი ხმების ნამდვილობა დაადასტურა. შსს გამოძიებას ჩანაწერის გამავრცელებელი პირების იდენტიფიცირების მიმართულებით განაგრძობს.
აღსანიშნავია, რომ მიხეილ სააკაშვილისა და თემურ ალასანიას ფარული აუდიოჩანაწერი არჩევნების პირველ ტურამდე რამდენიმე დღით ადრე ერთ-ერთი უკრაინული ვებ-გვერდის მეშვეობით გავრცელდა. შინაგან საქმეთა სამინისტროს ცენტრალური კრიმინალური პოლიციის დეპარტამენტში გამოძიება 2018 წლის 2 ნოემბერს, საქართველოს სსკ-ს 158-ე მუხლის მე-3 ნაწილის „ა“ ქვეპუნქტით დაიწყო, რაც კერძო კომუნიკაციის საიდუმლოების დარღვევას გულისხმობს.
აუდიოჩანაწერში, თემურ ალასანია ამბობს, რომ მილიონ დოლარს გადაიხდის, თუ “სნაიპერსკი ვინტოვკით” მოკლავენ ბიძინას. ჩანაწერში ასევე, საქართველოს მოსახლეობის მისამართით შეურაცხმყოფელი სიტყვები ისმის.
