რუსთაველის გამზირზე, პარლამენტის შენობის წინ მიმდინარე აქციაზე ფიზიკური დაპირისპირება მოხდა. დედაქალაქის მთავრ გამზირზე შეკრებილი ადამიანები პოლიტიკოსების, კონკრეტულად კი ოპოზიციური ძალების იქ ყოფნას აპროტესტებენ.
კამათი და მცირე შეხლა-შემოხლა შეკრებილი სტუდენტების სიტყვით გამოსვლას მოჰყვა. ახალგაზრდები სხვა მოთხოვნებთან ერთად, აქციაზე პოლიტიკოსების ყოფნას აპროტესტებენ.
მათ კორიდორი გააკეთეს და პოლიტიკოსებს მოუწოდებენ, ტერიტორია დატოვონ.
პარალელურად, აქციაზე სიტყვით გამოსვლები გრძელდება.
ათასობით ადამიანი რუსთაველზე შინაგან საქმეთა მინისტრის გადადგომასა და არჩევნების პროპორციული წესით ჩატარებას ითხოვს. აქციებს პერმანენტული ხასიათი აქვთ.
აქციის მონაწილეები 21 ივნისის დარბევისას დაკავებულთა გათავისუფლებასაც ითხოვენ.
პოლიციამ ტერიტორიიდან ინციდენტის რამდენიმე მონაწილე გაიყვანა.
