ოპოზიციას არჩევნებში გამარჯვების შანსი არ აქვს – ირაკლი კობახიძე

 პარლამენტის თავმჯდომარე ირაკლი კობახიძე, საპრეზიდენტო არჩევნებში ოპოზიციური კანდიდატის გამარჯვებას გამორიცხავს და აცხადებს, რომ ოპოზიციას არჩევნებში გამარჯვების შანსი არ აქვს და პრეზიდენტობის ის კანდიდატი გაიმარჯვებს, ვისაც  მმართველი გუნდი დაუჭერს მხარს.

ირაკლი კობახიძის შეფასებით, არსებობს რეალური შანსი, რომ არჩევნები პირველივე ტურში დასრულდეს.

„ჩვენი მხარდაჭერა არის +/-50%. ეს დადასტურდა თვითმმართველობის, ასევე საპარლამენტო არჩევნებზე. არის რეალური შანსი, რომ პირველივე ტურში დასრულდეს არჩევნები. ასევე, არის იმის შანსი, რომ მეორე ტური გაიმართოს. საბოლოო ჯამში, ჩვენს მიერ მხარდაჭერილი კანდიდატი აუცილებლად მოიგებს ამ არჩევნებს. ოპოზიციას რეალურად შანსი არ აქვს. ეს არის დღევანდელი ვითარება. დიდ სხვაობას წინა არჩევნებთან შედარებით არ ველოდები, აქედან გამომდინარე, ოპოზიციურ პარტიებს არ აქვთ იმის შანსი, რომ პირველ ტურში აიღონ 15-20%-ზე მეტი“, – განაცხადა ირაკლი კობახიძემ.

მსგავსი თემები