ოზურგეთიდან ბათუმის კლინიკაში კორონავირუსისთვის დამახასიათებელი სიმპტომებით მამაკაცი გადაიყვანეს

შუახნის მამაკაცი, რომელიც 10 ივნისს უკრაინიდან შემოვიდა, ოზურგეთიდან ბათუმის კლინიკაში  გადაიყვანეს. 

„მამაკაცს კარანტინიდან დაბრუნების შემდეგ დაუფიქსირდა ტემპერატურა, რის შემდეგაც მიმართა ეპიდემიოლოგებს. იგი გადაყვანილია ბათუმის კლინიკაში. აქვე უნდა აღინიშნოს ისიც, რომ მას „პისიარ“ კვლევა კარანტინის დასრულების შემდეგ ჰქონდა ჩატარებული და კვლევის შედეგი უარყოფითი იყო. მამაკაცი ამჟამად ბოქსირებულ პალატაშია მოთავსებული და ახლა მისი ანალიზის პასუხის მოლოდინში ვართ“, – აცხადებენ ოზურგეთის საზოგადოებრივი ჯანდაცვის ცენტრში.

მსგავსი თემები