რუსეთის საგარეო საქმეთა სამინისტროს ინფორმაციით, ერთიანი საქართველო-დემოკრატიული მოძრაობის თავმჯდომარე ნინო ბურჯანაძე მოსკოვში რუსეთის ფედერაციის საგარეო საქმეთა მინისტრის მოადგილეს ანდრეი რუდენკოს შეხვდა.
უწყების ცნობით, შეხვედრაზე განიხილეს რუსეთ-საქართველოს ურთიერთობის არსებული მდგომარეობა და პერსპექტივები.
“რუსულმა მხარემ დაადასტურა საქართველოსთან ურთიერთობის ნორმალიზებისადმი ინტერესი. მათ შორის, ორ ქვეყანას შორის ავიამიმოსვლის აღდგენის შესაძლებლობაც. მნიშვნელოვანია, რომ რუსეთთან ურთიერთობის აღდგენისთვის თბილისმა უფრო მეტად პასუხისმგებლიანი მიდგომა აჩვენოს.
საქართველოში არსებული ვითარების განხილვისას ხაზი გაესვა იმას, რომ მოსკოვში ყველაფერს, რაც საქართველოში ხდება, განიხილავენ, როგორც ამ ქვეყნის შიდა საქმეს. რუსეთი პრინციპულად თავს იკავებს სხვა ქვეყნების შიდა პოლიტიკურ პროცესებში ჩარევისგან. ჩვენ დაინტერესებული ვართ მშვიდობითა და სტაბილურობით, როგორც საქართველოში, ასევე მთელ კავკასიის რეგიონში”, – აღნიშნულია ლავროვის უწყების მიერ გავრცელებულ განცხადებაში.
