საქართველოს საგარეო საქმეთა მინისტრის დავით ზალკალიანის განცხადებით, საქართველო იყო ერთ-ერთი პირველი ქვეყანა, რომელმაც დაავადების გავრცელების პირველივე ეტაპზე, უცხოეთში მყოფი საკუთარი მოქალაქეების უსაფრთხოების უზრუნველსაყოფად პრევენციული ნაბიჯები გადადგა.
„ამის საუკეთესო მაგალითია, რომ ეპიდაფეთქების საწყის ეტაპზე, მაშინ, როდესაც ეს პრობლემა არ იყო გავრცელებული მთელს მსოფლიოში, მოხდა ჩვენი მოქალაქეების გამოყვანა პანდემიის მაღალი რისკის ზონებიდან, კერძოდ, იტალიიდან და ჩინეთიდან.
მსოფლიოში დაწესებული უპრეცედენტო შეზღუდვების ფონზე ვგეგმავდით სატრანზიტო მარშრუტებსაც, რომლითაც საქართველოს მოქალაქეები მსოფლიოს სხვადასხვა რეგიონიდან ე.წ გამგზავრების ჰაბებში ჩაგვყავდა და ასევე უზრუვნელვყოფდით, სახმელეთო მონაკვეთზე გადაადგილების შესაბამის დერეფრნებსა და ტრანსპორტირებას“,- აღნიშნა ზალკალიანმა.
მისივე თქმით, ამასთან, დიპლომატიური წარმომადგენლები მოქალაქეებს ეხმარებოდნენ ე.წ ალტერნატიული მარშრუტების მოძიებაში, რომლებიც სხვა ავიაკომპანიების მიერ სრულდება.
„შედეგად, ერთი მაგალითია მინსკი-ერევანის ტრანზიტული მარშრუტი და ამ ტრანზიტული მარშრუტით ისარგებლა საქართველოს 2113-მა მოქალაქემ, მაშინ როდესაც ჩვენ აგრეთვე ვზრუნავდით სხვა მიმართულებებზე, ასევე გამოყენებული იყო სხვა ავიაკომპანიები , „ლოტი“ და მათი დახმარებითაც, ასევე ავიაკომპანია „აირზენასთან“ ერთად ვარშავიდან გამოვიყვანეთ ჩვენი 600-მდე მოქალაქე. ამ პროცესში ძალიან დიდია ბელარუსის და სომხეთის რესპუბლიკებში ჩვენი საელჩოს დამსახურება და ასევე ჩვენი პარტნიორი სახელმწიფოების როლი“, – განაცხადა დავით ზალკალიანმა.
