ირანში საპარლამენტო არჩევნები მიმდინარეობს. ადგილობრივი მედიის ინფორმაციით, მთელი ქვეყნის მაშტაბით საარჩევნო უბნები დილის რვა საათზე გაიხსნა.
ხმის მიცემის პროცედურა 20:00 საათამდე გაგრძელდება. დეპუტატებს პირდაპირი და ფარული წესით ოთხი წლის ვადით ირჩევენ. არჩევნებში მონაწილეობის მისაღებად 15 000 კანდიდატი იყო დარეგისტრირებული, მათგან 7 296 -ის დისკვალიფიკაცია მოხდა.
არჩევნების დაწყებამდე განცხადება გააკეთა ქვეყნის სულიერმა ლიდერმა აიათოლა ალი ხამენეიმ. მან მოსახლეობას არჩევნებზე მისვლისკენ მოუწოდა. ქვეყნის სულიერი ლიდერის თქმით, არჩევნები „რელიგიური მოვალეობაა“, რაც ირანის ეროვნული ინტერესების გარანტია.
