იაპონიაში, კუნძულ ჰოკაიდოზე 6.7 მაგნიტუდის მიწისძვრა მოხდა. შედეგად დაშავდა 120-ზე მეტი ადამიანი, დაიღუპა 2 და 19 უგზო-უკვლოდ დაკარგულად ითვლება.
ვრცელდება ინფორმაცია რამდენიმე სახლის დანგრევის შესახებ კუნძულის სხვადასხვა რაიონებში. ხოკაიდოში მოსახლეობას შეუწყდა ელექტროენერგიის მიწოდება. როგორც კომპანია Hokkaido Electric Power – ი იტყობინება, ელექტროენერგიის გარეშე დარჩა 3 მილიონამდე სახლი და 15 საავადმყოფო. რამდენიმე სახლს წყლის მიწოდებაც შეუწყდა. ელექტროენერგიის გარეშეა დარჩენილი სინ-ტიტოსეს აეროპორტი.
კულძულის ტერიტორიაზე სარკინიგზო მიმოსვლა სრულებით შეჩერებულია, – იტყობინება სააგენტო Kyodo. არ მოძრაობს ჩქაროსნული ექსპრესი “სინკანსენი” . ერთ-ერთმა მთავარმა იაპონურმა ავიაკომპანია All Nippon Airways (ANA) -მა მიწისძვრის გამო, კუნძულის მიმართულებით რამდენიმე დილის რეისი გადადო.
ძლიერი მიწისძვრა კუნძულ ჰოკაიდოზე ხუთშაბათს გამთენიისას, ადგილობრივი დროით 03:08 საათზე მოხდა. მიწისძვრის შედეგად, ქვეყნის მთიან რეგიონებში მეწყერი ჩამოწვა.