თბილისის ვაკის პარკში 22 ივლისს, 21:00 საათზე, დედაქალაქის მერიის პროექტის – “თბილისის ცის ქვეშ”, მსმენელის წინაშე 140-წლიანი ისტორიის მქონე, ამსტერდამის უნივერსიტეტის სტუდენტური სიმფონიური ორკესტრი – „სვეელინკ ორკესტრი“ წარსდგება. ორკესტრი 100-მდე სტუდენტს აერთიანებს.
ორკესტრი რიხარდ ვაგნერის „ნიბელუნგების ბეჭედი სიტყვების გარეშეს“ და რამდენიმე ქართულ ნაწარმოებს შეასრულებს.
როგორც მედიაცენტრ “მთავარს” თბილისის მერიაში განუცხადეს, ნიბელუნგების ბეჭედი სიტყვების გარეშე“ერთ-ერთ უკიდურესად რთულ და ინსტრუმენტული გადაწყვეტის მხრივ პროგრესულ ნაწარმოებადაა მიჩნეული. ამიტომ, ორკესტრში ჩართულია 30 შემსრულებელი და გამოყენებულია ვაგნერის პერიოდისთვის ახალი ინსტრუმენტები, როგორიცაა ვაგნერის ტუბა, ბასის საყვირი და ორმაგი ბასის ტრომბონი.
თბილისის შემდეგ, ორკესტრი ქუთაისსა და ბათუმს ეწვევა.
კონცერტზე დასწრება თავისუფალია.
