თბილისში, ხორავას ქუჩაზე მოკლული მოზარდის მამა, ზაზა სარალიძე, რუსთაველის გამზირზე კარვების გაშლას გეგმავს. შესაბამისი განცხადებით მან დედაქალაქის მერიას უკვე მიმართა.
შვილმოკლული მამა ასევე ითხოვს, საპროტესტო აქციების გამართვის ნებართვა 5 ნოემბრამდე გაუხანგრძლიონ.
„მოვითხოვე ვადის გაგრძელება 5 ნოემბრამდე, ამასთან, მოვითხოვ, რომ მომცენ კარვების დადგმის უფლება. მივუთითე, რომ პასუხი წერილობით მაცნობონ“, -აცხადებს ზაზა სარალიძე.
ხელისუფლების გადადდგომის მოთხოვნით საპროტესტო აქციები ზაზა სარალიძემ თბილისში, 10 სექტემბრიდან დაიწყო. მას სოლიდარობას უცხადებს პანკისის ხეობაში ჩატარებული სპეცოპერაციის დროს დაღუპული თემირლან მაჩალიკაშვილის მამა, მალხაზ მაჩალიკაშვილი.