“ვისაც ერთი ადგილი აქვს, არსად არ ვიშლებით და ვიწყებთ პარლამენტის პიკეტირებას” – გრიგოლ ვაშაძე

“მინდა მოგმართოთ, ვისაც ერთი ადგილი აქვს, არსად არ ვიშლებით და ვიწყებთ პარლამენტის პიკეტირებას. ხელისუფლებას აღარ აქვს ლეგიტიმაცია,” – ამ სიტყვებით “ნაციონალური მოძრაობის” ლიდერმა, გრიგოლ ვაშაძემ რუსთაველის გამზირზე შეკრებილ აქციის მონაწილეებს მიმართა.

ვაშაძემ სამართალდამცველებს მოუწოდა, არ გაიმეორონ “გავრილოვის ღამე”.

“ყველა მინუს ერთი, ის ბარიერი, რომელიც აქ ახალგაზრდებმა გააკრეს, ეს არ ნიშნავს ყველა ოპოზიციური პარტია და მინუს ივანიშვილი, ეს ნიშნავს ყველა რიგითი მოქალაქე, მინუს “ქართული ოცნება”. ეს ნიშნავს საქართველო მინუს ქართული ოცნება. ერთი ადამიანი მაინც დგას აქ, რომელმაც მთელი 7 წლის განამვლობაში რამე იხეირა?!

პოლიციას მინდა მივმართო, ბიჭებო, ყველაფერი იცვლება ხომ იცით და თქვენ ხალხის სამსახურში ხართ, კარგად დაფიქრდით, “გავრილოვის ღამე” აღარ გაიმეოროთ.

მინდა მოგმართოთ, ვისაც ერთი ადგილი აქვს, არსად არ ვიშლებით და ვიწყებთ პარლამენტის პიკეტირებას. ხელისუფლებას აღარ აქვს ლეგიტიმაცია”, – აღნიშნა გრიგოლ ვაშაძემ.

მსგავსი თემები