დიდი ბრიტანეთის პრემიერ-მინისტრმა ტერეზა მეიმ, სირიისკენ ბრიტანული წყალქვეშა ნავების გაგზავნის ბრძანება გასცა. The Telegraph-ის ინფორმაციით, 12 აპრილს დიდი ბრიტანეთის პრემიერ-მინისტრმა, სირიის ქალაქ დუმაში ქიმიურ შეტევაზე ლონდონის ოფიციალურ პასუხზე სამსჯელოდ მთავრობის საგანგებო სხდომა მოიწვია.
„სავარაუდოდ, მთავრობა მხარს დაუჭერს მეის გადაწყვეტილებას და დიდი ბრიტანეთი შეუერთდება აშშ-ს ავიადარტყმებს. თუმცა, ჩვენი წყაროები აცხადებენ, რომ საბოლოო გადაწყვეტილების მისაღებად აშშ-სა და საფრანგეთს შორის მოლაპარაკებების გაგრძელებაა საჭირო“, – წერს გამოცემა.
დიდი ბრიტანეთი სირიისკენ წყალქვეშა ნავებს გზავნის
