გორის მუნიციპალიტეტის სოფელ ხიდისთავში კორონავირუსის ერთი ახალი შემთხვევა დადასტურდა. ადგილზე ეპიდემიოლოგები მუშაობენ.
დაავადებათა კონტროლის ცენტრის შიდა ქართლის ოფისის ინფორმაციით, „კოვიდ-19“ რესპუბლიკური საავადმყოფოს კიდევ ერთ მედდას დაუდასტურდა. ის სოფელ ხიდისთავის მცხოვრებია და რესპუბლიკური საავადმყოფოს ინფიცირებული მედდის კონტაქტია.
ამ დროისთვის, შიდა ქართლში რესპუბლიკური საავადმყოფოს მედდის სამი კონტაქტია ინფიცირებული და სამივე საავადმყოფოს თანამშრომელია.