გიორგი შაქარაშვილი საქმეზე დაკავებული 17 პირი ძალადობის მუხლით დააკავეს, ისინი ამ დროისთვის დიღმის სამმართველოში იმყოფებიან.
ერთ – ერთი დაკავებულის ადვოკატი აცხადებს, რომ დაკავება დილის საათებში მოხდა.
„ჩემი დაცვის ქვეშ მყოფი დაკავებულია დილის რვა საათზე, საქართველოს სისხლის სამართლის კოდექსის – 126 – ე მუხლით, მოსული ვარ იზოლატორში, აქ ჰყავთ გადმოყვანილი. ამ უბედურების კონკრეტულ დროს ჩემი დაცვის ქვეშ მყოფი არ იმყოფებოდა, შემთხვევის ადგილი მან პირველი კონფლიქტისთანავე დატოვა,“ – განაცხადა ერთ – ერთი დაკავებულის ადვოკატმა დავით ჭიკაიძემ.
დაკითხვაზე გვიან ღამით იმყოფებოდა გუკა ამირხანაშვილიც, როგორც მისმა ადვოკატმა ალექსანდრე კობაიძემ განმარტა გუკა ამირხანაშვილმა ამოიცნო პიროვნება, რომელიც „ტოიოტა – ქამრიში“ მათთთნ ერთად იჯდა.
პარალელურად, გუშინ გვიან ღამემდე გაგრძელდა გამოკითხვები მცხეთის პოლიციაში, გამოიკითხა, სპორტსმენი, გიგი ტატიაშვილიც.