გერმანიაში სამართალდამცავები მემინგემის ციხიდან გაქცეულ ქართველ პატიმარს ეძებენ. შსს-ს ცნობით, დაკავებულმა ქართველმა გაქცევა სხვა პატიმართან ერთად მოახერხა.
„გერმანული მხარის მიერ მოწოდებული ინფორმაციის თანახმად, მიმდინარე წლის 4 აგვისტოს, მემინგემის სასჯელაღსრულების დაწესებულებიდან სხვა პატიმართან ერთად, გაიქცა საქართველოს მოქალაქე. მას გერმანიაში ჩადენილი ბინის ქურდობისთვის წინასაგამოძიებო პატიმრობა ჰქონდა შეფარდებული“, – აცხადებენ შინაგან საქმეთა სამინისტროში.
მსჯავრდებულებმა ციხის ეზოში სეირნობის დრო ღობეზე გადაძრომა მოახერხეს და რკინიგზის სადგურის მიმართულებით მიიმალნენ.
პოლიციის ცნობით, თურქ პატიმარს მარცხენა მკლავზე ჭრილობა აქვს.
გაქცეული პატიმრები ქურდობა-ყაჩაღობის ბრალდებით იყვნენ დაკავებული.
