რატომ უნდა აიცრან 9 წლამდე აუცრელი ბავშვები 2-ჯერ – პედიატრის რეკომენდაციები

“9 წლამდე ასაკის ის ბავშვები, რომლებიც მანამდე არასოდეს აცრილან გრიპის საწინააღმდეგოდ, უნდა აიცრან 2-ჯერ”, – ასეთია პედიატრ მაკა ლომიძის რეკომენდაცია.

პედიატრის თქმით, კონკრეტული ექიმის გადასაწყვეტი არ არის, შესაბამის ასაკში, გრიპის საწინააღმდეგოდ ბავშვი ერთხელ უნდა აიცრას თუ ორჯერ. მისი განმარტებით, ვაქცინას მნიშვნელობა არ აქვს.

“ასეთი რეკომენდაციების გაცემის უფლება მხოლოდ ექსპერტებს აქვთ და მათი რეკომენდაციით: 9 წლამდე ასაკის ის ბავშვები, რომლებიც მანამდე არასოდეს აცრილან გრიპის საწინააღმდეგოდ, უნდა აიცრან 2-ჯერ მინიმუმ ერთი თვის (უფრო სწორად 28 დღის) შუალედით.

რატომ? – საქმე ისაა, რომ ამ ასაკის ბავშვებს დიდი ალბათობით, მანამდე არასოდეს უავადიათ გრიპით. ამასთან, თუ არც არასოდეს აცრილან გრიპზე, ამ ინფექციის წინააღმდეგ მათ იმუნური დაცვა თითქმის არ აქვთ. ასაკის გამო, გრიპის საწინააღმდეგო პირველი აცრის შემდეგ ვერ გამომუშავდება სრულყოფილი დაცვისათვის საკმარისი რაოდენობის ანტისხეულები. მეორე აცრა აუცილებელია სწორედ ამ ანტისხეულების საკმარისად მაღალი რაოდენობის გამოსამუშავებლად და შესაბამისად ინფექციის საწინააღმდეგო ეფექტური დაცვისათვის.

გაითვალისწინეთ: გრიპის ვირუსის საწინააღმდეგო ადექვატური დაცვა (იმუნიტეტი) გამომუშავდება მე-2 აცრიდან დაახლოებით 2 კვირაში!

9 წლის და უფროსი ასაკის ადამიანებს ამ ხნის მანძილზე ერთხელ მაინც აქვთ გადატანილი გრიპი. ამიტომ, თუნდაც მანამდე არასოდეს არ იყვნენ აცრილნი, მაინც აქვთ გრიპის საწინააღმდეგო საკმარისი “მეხსიერება” და ერთი აცრა ასეთი მეხსიერების არსებობისას საკმარისია”, – წერს პედიატრი მაკა ლომიძე სოციალურ ქსელში.

მსგავსი თემები

One Thought to “რატომ უნდა აიცრან 9 წლამდე აუცრელი ბავშვები 2-ჯერ – პედიატრის რეკომენდაციები”

  1. Im grateful for the blog.Really looking forward to read more. Really Cool.