ქართველმა მოჭიდავემ რუსი მეტოქე დაამარცხა და მსოფლიო ჩემპიონატის ფინალში გავიდა (ვიდეო)

ბუდაპეშტში მიმდინარე მსოფლიოს პირველობაზე 23-წლამდელთა ნაკრების წევრები ლევან ქავჟარაძე (63 კგ), გურამ ხეცურიანი (87 კგ) და ზვიად პატარიძე (130 კგ) ფინალში გავიდნენ.

2 ნოემბერს, ბერძნულ-რომაული სტილით ჭიდაობაში, სპორტსმენები ოქროს მედლებისთვის იბრძოლებენ, ბრინჯაოსთვის ბრძოლას დამამშვიდებელი წრიდან ბექა მამუკაშვილი (77 კგ) განაგრძობს.

ქავჟარაძემ საფინალო გზაზე 4 მეტოქე ჩამოიცილა, ნახევარფინალში რუსი ვალიტოვი დაამარცხა და ფინალში ირანელ დალხანის შეხვდება.

გურამ ხეცურიანმა ფინალამდე სამ მეტოქეს, მათ შორის რუს სპორტსმენს მოუგო,  ფინალში კი ის უკრაინელ ნოვიკოვს შეხვდება.

ზვიად პატარიძემ ფინალამდე სამი მეტოქე მარტივად დაამარცხა, ქუთაისელი მძიმეწონოსანი 6-გზის მსოფლიოს ჩემპიონია ახალგაზრდებს შორის და 2 ნოემბერს მეშვიდე მსოფლიო ოქროს მედალისთვის იბრძოლებს, მისი მეტოქე ირანელი იოსოფიაჰმადჩალი იქნება.

შეხვედრები 21:00 საათზე დაიწყება.

ლევან ქავჟარაძის შესრულებული ულამაზესი ხუთქულიანი გდებით

კიდევ ერთხელ ისიამოვნეთ ლევან ქავჟარაძის შესრულებული ულამაზესი ხუთქულიანი გდებით მსოფლიოს U23 ჩემპიონატის ნახევარფინალში რუს მეტოქესთან

Posted by GeoWrestling – საქართველოს ჭიდაობის ეროვნული ფედერაცია on პარასკევი, 01 ნოემბერი, 2019

მსგავსი თემები