საპარლამენტო უმრავლესობის წარმომადგენელი ზაზა პაპუაშვილი ვადამდელ საპარლამენტო არჩევნებს გამორიცხავს და აცხადებს, რომ ქვეყანაში არ არის საპარლამენტო კრიზისი.
როგორც საკანონმდებლო ორგანოს წარმომადგენელმა „მედიაცენტრ მთავარში“ განაცხადა, ვადამდელ არჩევნებს ქვეყნის არევ -დარევა მოჰყვება.
„ვადამდელი საპარლამენტო არჩევნების დანიშვნა არაერთი მიზეზით არ შეიძლება. ეს ქვეყანას, ამ ეტაპზე, კარგ შედეგებს არ მოუტანს. ამას ძალიან ბევრი არევ-დარევა მოჰყვება. არ იქნება სწორი. ჩვენ არ გვაქვს საპარლამენტო კრიზისი, რომ ვადამდელ არჩევნებზე ვიფიქროთ. მხარს ვუჭერ, პარლამენტმა დაამთავროს, ამოწუროს ვადა. როცა ზოგიერთ ადამიანს, ჩემს კოლეგებსაც ვუსმენ, ყიჟინას სცემენ, – არიქა საპარლამენტო არჩევნებიო. ამ ყიჟინას სულ სხვა ამოცანები ამოძრავებს, მე კი სიმშვიდე მინდა“, – აღნიშნა პაპუაშვილმა „მედიაცენტრ მთავარში“.
დეპუტატის თქმით, ვადამდელი არჩევნები ფინანსურ ხარჯებთანაც არის დაკავშირებული და იმ დროს, როცა ახალი ჩატარებულია საპრეზიდენტო არჩევნები და ერთ თვეში არჩევნები მეორე ტური უნდა გაიმართოს, ეს სერიოზულად დააწვება ბიუჯეტს.
აღსანიშნავია, რომ მორიგი საპრეზიდენტო არჩევნები საქართველოში 2020 წელს უნდა ჩატარდეს.
